NATO-nun baş katibi Yens Stoltenberq Kiyevə yardımların gecikməsi ilə bağlı danışıb.

Sfera.az bildirir ki, o, Alyans üzvlərinin müdafiə nazirlikləri rəhbərlərinin görüşü başlamazdan əvvəl bu barədə çıxış edib.

“NATO artıq ABŞ-nin Ukraynanı dəstəkləməkdən imtinasının nəticələrini müşahidə edir”, - Yens bildirib.

Jurnalistlərin Vaşinqtonun yardımının gec gəlib-gəlməyəcəyi ilə bağlı suallarını cavablandıran Stoltenberq fikirlərini bu cür ifadə edib:

“ABŞ-nin müsbət qərar verə biləcəyinə ümid edirik. Hazırkı münaqişədə Ukraynaya dəstək xeyriyyəçilik deyil, beynəlxalq təhlükəsizliyə töhfədir”.

Dünən ABŞ konqresmeni Corey Mills isə bildirib ki, Ukraynaya yardım haqqında qanun layihəsinin şansı yoxdur. Onun sözlərinə görə, Senat diqqətini öz sərhədlərinin qorunmasına yönəltməli, güclü ordu, eləcə də ÜDM-in artımı haqqında düşünməlidir, amma Kiyevin maraqlarını öz maraqlarından üstün tutur.

Xatırladaq ki, fevralın 8-də ABŞ Senatı Ukrayna, İsrail və Tayvana maliyyə yardımı göstərilməsi ilə bağlı qanun layihəsini dəstəkləmişdi. Öz növbəsində Respublika Partiyasının rəhbərliyi qanun layihəsinə qarşı çıxıb və onu uğursuzluq adlandırıb.

Günay