"Ankara bu istəyindən əl çəkməyəcək" - Ərdoğan

Türkiyə Prezidenti Rəcəb Tayyib Ərdoğan Zelenski və Putinlə əlaqə saxladığını bildirib.

Sfera.az bildirir ki, bu barədə “TRT” telekanalı məlumat yayıb. Ölkə başçısı qeyd edib ki, bu, Ukraynadakı münaqişənin sülh yolu ilə həlli üçün lazımdır.

“Biz yenidən cəhd edə və nəticəyə yönəlmiş, xarici təsirlərdən azad olan prosesləri idarə etməklə sülhün qapısını aça bilərik. Bu axtarışı həm Putin, həm də Zelenski ilə təmaslar vasitəsilə davam etdiririk”, - Türkiyə prezidenti bildirib.

O əlavə edib ki, Türkiyə həmişə, döyüşməkdənsə, ədalətli sülhün vacibliyini vurğulayıb. Bundan əlavə, Ərdoğan qeyd edib ki, Putin Ukraynadakı vəziyyətlə bağlı İstanbulda aparılan danışıqların taleyindən danışanda səmimi olub.

Türkiyə başçısı onu da bildirib ki, İstanbul danışıqları zamanı ölkə liderləri nəticə üçün çalışıblar, lakin sülh əldə oluna bilməyib. “Amma Ankara tərəfi sülhə nail olmaq istəyindən əl çəkməyəcək”, - o, yekunlaşdırıb.

Günay