Emmanuel Makron və Volodimir Zelenski ikitərəfli saziş imzalayacaqlar

Ukrayna və Fransa cümə günü ikitərəfli saziş imzalayacaqlar.

Sfera.az bildirir ki, bu barədə "Reuters" xəbər verib.

“Fransa Prezidenti Emmanuel Makron və ukraynalı həmkarı Volodimir Zelenski cümə günü Yelisey sarayında təhlükəsizlik sazişi imzalayacaqlar. Bu razılaşma NATO-nun 2023-cü ilin iyulunda Vilnüsdə keçirilən sammiti çərçivəsində G7 formatında götürülmüş öhdəliklərdən irəli gəlir ”, - məlumatda bildirilir.

Fevralın 15-də NATO-nun Baş katibi Yens Stoltenberq bəyan edib ki, NATO-ya üzv ölkələr Ukraynaya yeni hərbi təchizatların verilməsi üçün 10 milyard dollarlıq müqavilə imzalayıblar.

Bir gün əvvəl isə Böyük Britaniyanın xarici işlər naziri Devid Kemeron ABŞ Konqresinin üzvlərini fevralın 14-də Ukrayna və digər müttəfiqlərə 95 milyard dollarlıq hərbi yardım paketinin lehinə səs verməyə çağırıb.

Əzizə