ABŞ-da bir şirkət bir qadının tərcümeyi-halı işəgötürənin diqqətini çəkdikdən sonra ona zəng edib. Lakin, daha sonra namizədin vəzifə üçün tələblərə tam cavab verdiyinə baxmayaraq, onun eşitmə qüsurlu olduğunu öyrəndikdən sonra işə götürməkdən imtina ediblər.


Sfera.az bildirir ki, ABŞ Bərabər Məşğulluq İmkanları Komissiyası (EEOC) “McLane Northeast”i məhkəməyə verdikdən sonra şirkət qadına 1,675 milyon dollar təzminat ödəyib.
 

Məhkəmə şirkətin Əlilliyi olan Amerikalılar Aktını pozduğuna qərar verib. Agentlik iddia edib ki, şirkət əməkdaşları qadını müsahibəyə çağırmamaqla, ona qarşı ayrı-seçkilik edib və eşitmə probleminə görə onu geri qaytarıb.
 

Münsiflər heyəti şirkətin qanunu pozduğuna qərar verib. Qadına 25 min dollar ümumi təzminat, 150 min dollar emosional təzminat və 1,5 milyon dollar cəza təzminatı verib.


Şirkət məhkəmə qərarından apellyasiya şikayəti vermək və cərimənin məbləğini azaltmaq niyyətindədir.
 

Qadına ümumilikdə 1,65 milyon dollar təzminat verilsə də, əslində ala biləcəyi məbləğ çox azdır. Məşğulluq ayrı-seçkiliyi hallarında bir şəxsin ala biləcəyi zərərin miqdarına məhdudiyyətlər var. Onlar şirkətdəki işçilərin sayından asılıdır. Məhkəmə işə götürülməyən qadına yalnız 300.000 dollar çatacağını bildirib.

Aysel

Sfera.az