ÜST rəhbəri: \"Dünya ağır bədəl ödəyə bilər...\"
![ÜST rəhbəri: \](https://sfera.az/photo/orginal/2024/02/12/1707760351_ustt.jpg)
"COVID-19 pandemiyasından öyrəndiyimiz ağrılı dərslər unudulmaq təhlükəsi ilə üz-üzədir, çünki diqqət dünyamızın üzləşdiyi bir çox digər böhranlara yönəldilib".
Sfera.az xəbər verir ki, bunu Ümumdünya Səhiyyə Təşkilatının (ÜST) rəhbəri Tedros Qebreyesus bildirib. ÜST rəhbəri qeyd edib ki, dünya öz dərsini almasa, növbəti dəfə “ağır bədəl ödəyəcək”. O vurğulayıb ki, məsələ yeni pandemiyanın başlanıb-başlanmayacağı deyil, nə vaxt baş verəcəyidir.
ÜST rəsmisi diqqətə çatdırıb ki, yeni pandemiyanın səbəbi qrip virusu, yeni koronavirus və ya yeni patogen ola bilər.
Tedros Qebreyesus ölkələri epidemiyalara hazırlıqla bağlı beynəlxalq sazişin hazırlanması üzrə məsləhətləşmələr zamanı ortaya çıxan fikir ayrılıqlarını aradan qaldırmağa çağırıb.
İnci