Trampın BU CAVABI səs-küy YARATDI: "Məndən soruşdular ki, bizi müdafiə edəcəksən?"

ABŞ-nin sabiq prezidenti Donald Trampın NATO ilə bağlı son çıxışı səs-küy yaradıb.

Sfera.az bildirir ki, Cənubi Karolinada seçki mitinqində çıxış edən Tramp prezidentliyi dövründə NATO liderlərinin toplantısında müdafiə xərcləri hədəflərini yerinə yetirməyən üzvləri tənqid etdiyini deyib.

O, sözügedən Alyans üzvlərinin müdafiə edilməməli olduğunu vurğulayıb:

“Toplantıların birində onlara dedim ki, hamı hərbi xərcləri ödəyəcək. Məndən soruşdular ki, pul verməsək də, bizi müdafiə edəcəksən? “Qətiyyən yox”, deyə bildirdim. Onlar bu cavaba inana bilmədilər”.

Tramp həmçinin, böyük bir ölkənin dövlət başçısı ilə dialoqunu da xatırladıb:

“Həmin şəxs məndən soruşdu ki, ABŞ mümkün Rusiya işğalı halında, pul verməsələr belə, onları müdafiə edəcəkmi? Mənim cavabım belə oldu: “Xeyr, mən sizi qorumayacağam. Hətta Rusiyanı istədiklərini etməyə təşviq edə bilərəm. Ona görə də xərcləri ödəməlisən””.

Ağ Evdən Trampın sözləri ilə bağlı açıqlama gəlib. Sözügedən çıxış “qorxunc və balanssız” adlandırılıb.

Günay