Bu insanlardan uzaq DURUN: "Gördüyümüz işləri daim pisləyən, alçaldan..."

İnsanların çoxu, ətrafında olanların fikirlərini, düşüncələrini çox önəmsəyir. Belə insanlara təsir göstərmək də çox asandır.

Bəs ətrafımızdakı insanlar həyatımıza necə təsir göstərir?

Mövzu ilə bağlı Sfera.az-a danışan psixoloq Ülviyyə Kərim bildirib ki, insanların əhatəsi onların həyatının müsbətə və ya mənfiyə doğru dəyişməsində böyük rol oynayır.

“Ətraf mühit həyatımızda olan vacib sferalardan biridir. Uğurumuzun 60 faizi əhatədən asılıdır. Gördüyümüz işləri daim pisləyən, alçaldan insanlar varsa, onlardan uzaq durmaq lazımdır. Ətrafımızdakı insanlar əgər bizə psixoloji dəstək göstərirsə, sənin bu işi bacaracaq resursların və qüvvən var deyirsə, həmin işi bacarmaq ehtimalı daha yüksəkdir. Bu insanları seçmək bizim öz əlimizdədir”.

Psixoloq qeyd edib ki, ətrafımızda bizə güvənən, dəstək olan insanların varlığı uğur qazanmağımız üçün stimul olur.

“Əhatənizi dəyişmək üçün əvvəlcə ətrafınızda necə insanları istədiyinizə qərar verməlisiz”.

Ülkər Abdurahmanlı