Türkiyə Prezidenti Rəcəb Tayyib Ərdoğan İstanbulda İslam Əməkdaşlıq Təşkilatı Gənclər Forumunun iştirakçıları qarşısında çıxışı zamanı İsrail ordusunun Qəzza zolağına endirdiyi zərbələri nasist hücumları ilə müqayisə edib.

Sfera.az xəbər verir ki, onun sözlərinə görə, İsrailin bombardmanları nəticəsində 67 mindən çox fələstinli yaralanıb.

"Bütün dünyanın gözü qarşısında İsrail və onun işğalçı qüvvələri fələstinliləri qətlə yetirir. İsrailin bombalı hücumları nəticəsində 67 mindən çox fələstinli yaralanıb",-Türkiyə lideri qeyd edib.

Dövlət başçısı vurğulayıb ki, Türkiyə və digər müsəlman ölkələri “İsrailin insanlığa qarşı cinayətləri” faktını beynəlxalq ictimaiyyətə çatdırmağa çalışır. Ərdoğan əlavə edib ki, paytaxtı Şərqi Qüds olan müstəqil dövlət yaradılana qədər mübarizəni davam etdirəcək.

Bundan əvvəl Misirin xarici işlər naziri Sameh Şükrü bildirib ki, İsrail və Fələstin arasında münaqişənin genişlənməsi təhlükəsi artmaqdadır. Onun sözlərinə görə, Qəzzada humanitar dəstək sistemi dağılmaq ərəfəsindədir.

Əzizə