Bu, şokoladların qiymətinin artmasına SƏBƏB OLACAQ

Qlobal kakao qiymətləri yeni rekord səviyyəyə yüksəlib. 

Sfera.az “Reuters”ə istinadən xəbər verir ki, kakao qiymətlərinin maksimum həddə çatmasının səbəbi tədarük çətinliyinin yaranması və məhsul qıtlığının olacağına dair proqnozların çoxalmasıdır. 

Kakao tədarükü çatışmazlığı Qərbi Afrikanın ən böyük istehsal bölgəsində güclü küləklərin kakao məhsullarına davamlı ziyan vurması ilə əlaqələndirilir.
Dünyada əsas kakao istehsalçılarından olan Qanada istehsalın azalacağı gözlənilir. 2023-cü ildə 655 min ton məhsul istehsal edən Qananın bu il 475 min-500 min ton məhsul istehsal edəcəyi proqnozlaşdırılır. 

İstehsalın azalması ilə qlobal bazara kakao paxlasının tədarükünün 375 min ton azalma ehtimalı var. 

Bu bədbin xəbərlər fonunda kakao qiymətləri 2 dəfə yüksəlib. London birjasında kakao qiymətləri keçən ilin əvvəlindən bəri iki dəfə artaraq bir ton üçün 4 670 funt-sterlinqə (5884 dollar) çatıb. 

Kakao qiymətlərindəki artımın şokolad qiymətlərində də artıma səbəb olacağı gözlənilir. 

Vasif