Şimal Cənubla razılaşmaları ləğv edir – Koreya yarımadasında gərginlik artır

Şimali Koreya Cənubi Koreya ilə iqtisadi əməkdaşlıq haqqında bütün qanunları ləğv etmək qərarına gəlib. 

Sfera.az xəbər verir ki, bununla bağlı məlumatı Şimali Koreya Mərkəzi Xəbər Agentliyi yayıb. 

Şimali Koreya Ali Xalq Məclisində dünən keçirilən iclasda iki ölkə arasında iqtisadi əməkdaşlığa və beynəlxalq turlara dair qanunların ləğv edilməsi haqqında qərar qəbul edilib. 

Cənubi Koreyadan verilən açıqlamada isə Şimali Koreyanın bu addımının gözlənilməz olmadığı bildirilib. 

Xatırladaq ki, Şimali Koreyanın Ali Xalq Məclisi yanvarın ortalarında Cənubi Koreya ilə əlaqələrin idarə olunmasına cavabdeh olan əsas dövlət qurumlarını - Sülh Məsləhətli Birləşmə Komitəsini, Milli İqtisadi Əməkdaşlıq Bürosunu və Beynəlxalq Turizm Administrasiyasını ləğv edib. 

Ölkə lideri Kim Çen In Cənubi Koreyanı "daimi əzəli düşmən" kimi təyin etmək üçün konstitusiyanın yenidən yazılmasını istəyib.

Vasif