Yaponiya Rusiya ilə sülh müqaviləsi bağlamağa çalışır.

Sfera.az TASS-a istinadən xəbər verir ki, bunu Yaponiyanın Baş naziri Fumio Kişida Tokioda keçirilən “Şimal ərazilərinin qaytarılması üçün milli mitinq”də deyib .

Onun sözlərinə görə, İkinci Dünya müharibəsinin başa çatmasından 78 il sonra Yaponiyanın şimal ərazilərinin (Kuril adalarının cənub hissəsi) mülkiyyət hüququ ilə bağlı qərarın olmaması təəssüf doğurur.

 "Lakin hökumət ərazi probleminin həllinə və sülh müqaviləsinin bağlanmasına qətiyyətlə sadiqdir",- o deyib.

Kişida vurğulayıb ki, Rusiya-Yaponiya münasibətlərinin pisləşməsi Ukraynada xüsusi hərbi əməliyyatın başlaması ilə əlaqədar baş verib.

Bundan əvvəl Rusiya xarici işlər nazirliyinin rəsmi nümayəndəsi Mariya Zaxarova hazırda Yaponiya ilə sülh müqaviləsi bağlamağın mümkünlüyü mövzusunun Rusiya üçün qapalı olaraq qaldığını deyib.

Xatırladaq ki, Moskva və Tokio keçən əsrin ortalarından İkinci Dünya nüharibəsinin nəticələrindən sonra sülh sazişi hazırlamaq üçün danışıqlar aparırlar. Bunun üçün əsas maneə Kuril adalarının cənub hissəsinə hüquqlarla bağlı fikir ayrılığıdır. Müharibə başa çatdıqdan sonra bütün arxipelaq Sovet İttifaqının tərkibinə daxil edilib, lakin Yaponiya İturup, Kunaşir, Şikotan və bir qrup kiçik məskunlaşmamış adaların mülkiyyətində mübahisə edir. Eyni zamanda, Rusiya Xarici İşlər Nazirliyi Moskvanın bu ərazilər üzərində suverenliyinin şübhəsiz olduğunu dəfələrlə vurğulayıb.

Əzizə Zeynal