İran bir həftəyə nüvə silahı yarada bilər - XƏBƏRDARLIQ EDİLDİ

"İran cəmi bir həftə ərzində ilk nüvə silahını yaratmaq üçün kifayət qədər zənginləşdirilmiş urana malikdir". 

Sfera.az xəbər verir ki, Amerika Elm və Beynəlxalq Təhlükəsizlik İnstitutunun hesabatına görə, İslam Respublikasına altı atom bombası yaratmaq üçün bir ay lazım olacaq.

Sənəddə qeyd olunur ki, İran yüksək zənginləşdirilmiş uran ehtiyatlarının yalnız bir hissəsindən (60%-ə qədər) istifadə edərək, qısa müddətdə “kiçik nüvə arsenalı" istehsal edə bilər. Eyni zamanda, Beynəlxalq Atom Enerjisi Agentliyinin (MAQATE) müfəttişləri üçün bu faktı tez bir zamanda müəyyən etmək çətin olacaq.

Ekspertlər həmçinin qeyd ediblər ki, İran uranın zənginləşdirilməsi imkanlarını fəal şəkildə genişləndirir.

Qeyd edək ki, fevralın 2-də MAQATE-nin rəhbəri Rafael Qrossi “The New York Times” qəzetinə müsahibəsində deyib ki, İran uranın zənginləşdirilməsini 60%-ə çatdırıb və bundan sonra zənginləşdirilən uran nüvə silahı yaratmaq üçün istifadə oluna bilər.

Əzizə