Messi "Vissel Kobe" matçından DANIŞDI: "Mən həmişə oynamaq istəyirəm, amma..."
"İnter Mayami"nin hücumçusu Lionel Messi sabah, fevralın 7-də Yaponiyanın "Vissel Kobe" klubu ilə keçiriləcək yoldaşlıq görüşündən danışıb.
Sfera.az xəbər verir ki, məşhur futbolçu matçda iştirak edib-etməyəcəyini bilmədiyini deyib.
"“Honq-Konq"la keçirilən matçda oynaya bilmədiyim üçün diskomfort hiss etdim və bu, mənim üçün çox çətin oldu. Təəssüf ki, futbolda istənilən matçda zədə ala bilərsiniz. Bu, çox pisdir, çünki mən həmişə oynamaq istəyirəm, xüsusən də uzaqda keçirilən matçlarda insanlar da bizim oyunumuzu görməkdən çox xoşbəxt olurlar” - Messi bildirib.
Xatırladaq ki, fevralın 4-də “İnter Mayami” Honq Konq çempionatının ulduz komandası ilə (4:1) görüş keçirib. Messi zədə səbəbindən bu oyunda iştirak edə bilməyib. Oyunun son dəqiqələrində azarkeşlər argentinalı futbolçunun meydana çıxmamasından narazılıqlarını bildirərək fit çalmağa başlayıblar.
Fatimə Lətif
