Çinarə ilə evli olub boşanan aktyorun yenidən ailə qurduğu ÜZƏ ÇIXDI - VİDEO

Aktyor Əlibəy Məmmədlinin evli olduğu üzə çıxıb.

Sfera.az xəbər verir ki, bu haqda Əlibəy qonaq olduğu "10-da görüşək" səhər şousunda məlumat verib.

Aktyor bu evlilikdən bir oğlan övladının da dünyaya gəldiyini açıqlayıb:

"Subay deyiləm, evliyəm. Bir-iki il olar ki, ailə qurmuşam. Pandemiya ərəfəsinə təsadüf edir. Hətta Agah adında bir oğlan övladım da var. Mən böyük toy etməmişəm, ailəiçi məclisim olub. 

Ailə qurduğum xanım mənimlə uşaqlıqdan tanışdır. Məni başqa insan anlamayacaq deyə onunla ailə qurdum. O, mənim uşaqlığımı görməli idi ki, indi əsəblərimə tab gətirə, hər halımı qəbul edə bilsin. Ona bu məsələlərdə çox təşəkkür etmirəm ki, arxayınçılıq yaranmasın".

Qeyd edək ki, illər əvvəl Əlibəy Məmmədli müğənni Çinarə Məlikzadə ilə ailəli olub. Lakin onların evliliyi heç bir il çəkməyib. (Bizim.Media)