Bakıda kvadratı 20 min manata mənzil satılır - Bu ərazidədir

Bakıda kvadratı 17 və 20 min manata mənzillər satılır.

Sfera.az İqtisadiyyat.az-a istinadən xəbər verir ki, satışa çıxarılan mənzillər şəhərin ən prestijni hotellərindən birində yerləşir.

Pəncərələri Dənizkənar Bulvar ərazisinə açılan və şəhər mənzərəli premium mənzillərdən birinin sahəsi 300 kvadrat metrdir. 5 otaqdan ibarət olan mənzilin otaqları xüsusi dizaynla təmir olunub. 

Paytaxtın məşhur hotellərindən birində yerləşən bu mənzil bir kvadrat metri 17 000 manat olmaqla, ümumilikdə, 5 100 000 manata təklif olunur.

Eyni binada, 221 kvadrat metrlik sahəyə malik olan 4 otaqlı daha bir mənzil isə 4 420 000 manata satışa çıxarılıb. Yuxarıda qeyd etdiyimizdən fərqli olaraq, bu mənzilin bir kvadrat metri 20 000 manat təşkil edir.