Kənan MM “Tiktok”dan qazandığı MƏBLƏĞİ AÇIQLADI: "Bir qəpiyini belə..." - VİDEO
Tanınmış rejissor, aktyor Kənan MM (Mahmudov) "Tiktok" platformasından qazandığı məbləği ilk dəfə açıqlayıb.
Sfera.az yenisabah-a istinadən xəbər verir ki, "Künc-bucaq" layihəsinin qonağı olan rejissor bir il ərzində "Tiktok"dan 108 min manat gəlir əldə etdiyini deyib:
"Bir gün mənə məktub gəldi ki, vergi borcum var. Bunu heç vaxt deməmişəm. Düşündüm ki, bu nə borcdur, axı mənim heç bir vergi borcum yoxdur. Mühasib gəldi və dedi ki, mənim "TikTok"a görə vergi borcum var. Sən demə, bir il ərzində mən ordan qazandıqca vergi də gəlirmiş. Sonra o vergini verdim. Məsəl var, hayla gələn, vayla gedər. "TikTok"da gələn hədiyyələrin heç biri mənim olmadığı üçün bunun fərqində idim. Halal, haramı anladığıma görə bilirdim ki, o pul mənim deyil. Həmin pulu son qəpiyinə qədər insanlara dağıdırdım. O gün telefonumdan 250-ə yaxın kart silmişəm, hamısı yardım etdiyim insanların kartı idi. Bu haqda heç vaxt danışmamışam, sadəcə üstündən bir il keçib, mövzu açıldığı üçün deyirəm. Bir ildə "Tiktok"da 108 min manat mənə pul gəlib".
O, həmin pulun bir qəpiyini belə özünə xərcləmədiyini etiraf edib:
"Sual versəniz ki, o pul hanı? Deyərəm, yoxdur. Çünki o pul mənim olmayıb. Həmişə dua edəndə demişəm ki, mənim olmayan boğazımdan, balalarımın boğazından keçməsin, ailəmə qismət olmasın. Ona görə də, mən "Tiktok"a qazanc yeri kimi baxmıram. Oradan qazananlara da pis baxmıram, əsla kimisə qınamıram. Heç kəsin işinə qarışmaq olmaz. Allah şahiddir ki, o pulu mən istifadə etməmişəm, buradan gəlirdi, oradan gedirdi. Bu yaşımda yalan danışası deyiləm. Mənə görə, kişi yalan danışmaz. Vergi borcunun nə qədər olduğunu isə deməyəcəyəm, bu, dövlət sirridir. Amma borcu ödədim".
