Oyuncaqlara sarılıb yatmaq bu xəstəlikləri yaradır - Həkimdən XƏBƏRDARLIQ

Oyuncaqla qucaqlaşıb yatmaq allergik reaksiyalara, bağırsaq xəstəliklərinə, rinitlərə, kəskin respirator virus infeksiyalarına, piodermaya səbəb ola bilər.


Sfera.az xəbər verir ki, bunu Rusiyada Uşaq Elmi-Tədqiqat İnstitutunun Genetik Dermatozlar Mərkəzinin rəhbəri, dermatoveneroloq Olqa Orlova bildirib.


O deyib ki, belə nəticələrin qarşısını almaq üçün oyuncaq ayılar və bənzərləri dezinfeksiya edilməli və yuyulmalıdır.


Mütəxəssis diqqəti uşağın sevimli oyuncağını tez-tez özü ilə müxtəlif yerlərə aparmasına çəkib:
 

"Bu, küçə, klinika, mağaza, uşaq meydançası ola bilər. Uşaqların oyuncaqları yerə atdığı vaxtlar olur. Beləliklə, oyuncaq ayı patogen mikroorqanizmləri, toz gənələrini toplaya bilər".

Dermatoveneroloq oyuncaq seçimi ilə bağlı tövsiyələrini də verib. Uşsülara təbii materiallardan hazırlanmış və qısa xovlu oyuncaqları məsləhət görüb.


İnci