Vaşinqtonla Moskva QARŞI-QARŞIYA: Nüvə müharibəsi qapıdadır

ABŞ-nin nüvə silahlarının Böyük Britaniyada yerləşdirilməsi London-Moskva əlaqələrini daha da pisləşdirəcək.

Sfera.az xarici KİV-ə istinadən xəbər verir ki, beynəlxalq ictimaiyyət Vaşinqtonun Avropada nüvə qüvvələri yaratmaq planından ciddi şəkildə narahatdır.

Şimali Koreyanın Koreya Mərkəzi Xəbər Agentliyinin məlumatına görə, sözügedən hadisə dünya sülhü və təhlükəsizliyi üçün böyük təhdiddir. Eyni zamanda, bu addım nüvə müharibəsinin real təhlükəsini artıracaq.

Qeyd edək ki, ABŞ son 15 ildə ilk dəfə olaraq Böyük Britaniyada nüvə silahı yerləşdirməyi planlaşdırır. Bu barədə “Daily Telegraph” qəzeti Pentaqonun sənədlərinə istinadən yazıb. Kütləvi qırğın silahları Britaniyanın Saffolkdakı Leykenhit aviabazasında olacaq.

ABŞ Müdafiə Nazirliyinin rəsmisi “Daily Telegraph”ın məlumatını nə təsdiqləyib, nə də təkzib etdib. Ötən ilin sentyabrında Rusiya Xarici İşlər Nazirliyinin sözçüsü Mariya Zaxarova demişdi ki, Moskva ABŞ-nin nüvə silahlarının Britaniya ərazisinə qaytarılmasını eskalasiya kimi qiymətləndirəcək. Diplomatın fikrincə, sözügedən proseslər Moskvanı  cavab tədbirləri  görməyə vadar edir.

Firuzə Əliyeva