Keçmiş futbolçu güllələnərək öldürüldü: Hadisənin TƏFƏRRÜATLARI

Boliviya millisinin keçmiş futbolçusu Serxio Jauregui meydançada güllələnib.

Sfera.az xarici mediya istinadən  xəbər verir ki, hadisə Meksikada həvəskarlar arasında yoldaşlıq oyunu zamanı baş verib. Belə ki, Jauregi "Atletiko San Luis Rey"də çıxış edib. Kuautlada keçirilən matç zamanı 38 yaşlı oyunçu su içmək üçün kənara çəkilib. Bu zaman naməlum şəxs onun yanında peyda olub və futbolçuya 6 dəfə atəş açıb. Cinayətkar motosikletlə hadisə yerindən qaçıb. Hadisə yerinə təcili yardım çağırılsa da, Jaureqinin həyatını xilas etmək mümkün olmayıb.

“Atletiko San Luis Rey” həvəskar klubu futbolçunun ailəsinə başsağlığı verib. Hüquq-mühafizə orqanları araşdırmaya başlayıb.

Jauregui karyerası ərzində Boliviyanın “Bluminq” və “San Xose” klublarında, həmçinin İsveçrədə “ Yverdon -Sport” komandasında çıxış edib. Boliviya millisində 13 oyun keçirib və 2012-ci ildə peşəkar futbolçu karyerasını başa vurub.

2009-cu ildə Jauregui matç zamanı Oriente Petrolero-nun hücumçusu Leonardo Medinanın üzünə təpiklə vurduğuna görə 9 aylıq cəza alıb.

İnci