İsrail HƏMAS ilə Parisdə əldə olunan razılaşmanın şərtlərini təsdiqləyib.

Sfera.az xarici KİV-ə istinadən xəbər verir ki, bu barədə Qətər Xarici İşlər Nazirliyinin sözçüsü Məcid əl-Ənsari məlumat verib. Diplomat vurğulayıb ki, hazırda tərəflər sazişin konsepsiyasını müzakirə edir, lakin müqavilənin detalları hələ razılaşdırılmayıb.

HƏMAS-ın siyasi bürosunun hazırkı sədri İsmayıl Haniyə bildirib ki, Paris razılaşmasında HƏMAS üçün önəmli məsələ hücumun dərhal dayandırılması və İsrail qoşunlarının Qəzza zolağından çıxarılmasıdır. Onun sözlərinə görə, hərəkat yalnız bu şərtləri nəzərdən keçirməyə hazırdır.

Qeyd edək ki, Parisdə Misir, İsrail, Qətər və ABŞ-nin iştirakı ilə aparılan danışıqlarda girovların azad edilməsi üçün ilkin təklif hazırlanıb. Birinci mərhələ hərbi əməliyyatlarda altı həftəlik fasilə tələb edir. Bu müddət ərzində HƏMAS-ın əlində olan hər bir mülki şəxs İsrail həbsxanalarında saxlanılan üç fələstinli ilə dəyişdiriləcək. Bu nisbət İsrail əsgərlərinin mübadiləsi üçün artırıla bilər. 

Firuzə Əliyeva