Avropa İttifaqı (Aİ) Ukraynaya dəstək verməyə razılıq verib. 

Sfera.az xəbər verir ki, bir müddətdir gündəmdə olan Aİ-nin Ukraynaya dəstək paketi ilə bağlı üzvlər arasında razılıq əldə olunub.

Avropa Şurasının Prezidenti Şarl Mişel “X” sosial media platformasında verdiyi açıqlamada razılaşmanın təfərrüatlarını açıqlayıb. Mişel bildirib ki, Aİ-nin 27 üzvü Ukraynaya 50 milyard avroluq (54 milyard dollar) əlavə dəstək paketi barədə razılığa gəlib: “Bu, Ukrayna üçün sabit, uzunmüddətli, proqnozlaşdırıla bilən maliyyələşdirməyə zəmanət verir". 

Aİ-nin iki diplomatı bu gün “Reuters” agentliyinə bildiriblər ki, əldə edilən razılaşma paketin hər il müzakirə edilməsini və lazım gələrsə, iki il ərzində ona yenidən baxılmasını ehtiva edir. 

Qeyd edək ki, yardımın ayrılması ilə bağlı daha əvvəl razılıq əldə edilə bilərdi. Amma Macarıstanın həftələrdir davam edən müqaviməti yardımın ayrılmasını ləngitdi. 

Vasif