Putinin Türkiyə səfərinin DETALLARI bəlli oldu: Nələr müzakirə ediləcək?

Rusiya prezidenti Vladimir Putin fevralın 12-də Türkiyəyə səfər edəcək.

Sfera.az xəbər verir ki, bu barədə “Reuters” anonim türk rəsmisinə istinadən məlumat yayıb .

Mənbə Putinin Türkiyəyə səfəri ilə bağlı məlumatı təsdiqləyib və konkret tarixini açıqlayıb. Qeyd olunur ki, bu, Rusiya liderinin 2020-ci ildən sonra NATO ölkəsinə ilk səfəri olacaq .

Yanvarın 23-də Kremlin sözçüsü Dmitri Peskov bildirib ki, prezidentin Türkiyəyə səfəri Şimali Koreyaya səfərindən fərqli olaraq Rusiyada keçiriləcək prezident seçkiləri öncəsi baş tutacaq.

Bundan əvvəl türkiyəli analitik Engin Özər demişdi ki, Ərdoğan Putinə Ukrayna üzrə sülh danışıqlarını bərpa etməyi təklif edə bilər. Onun fikrincə, dialoqun əsasını İstanbul danışıqlarında əldə edilən irəliləyiş təşkil edəcək.

Əzizə Zeynal