Bu otel paranormal hadisələrlə məşhurlaşıb - Sahibinin ruhu salonlarda gəzir

Viskonsin ştatının Milwaukee şəhərində yerləşən Pfister oteli “lənətlənmiş yerlər” arasında dünya üzrə birinci yerdədir.


Sfera.az bildirir ki, 1893-cü ildə Çarlz Pfister tərəfindən tikilən otel o qədər məşhurlaşıb ki, William McKinley başda olmaqla, ondan sonrakı bütün Amerika prezidentləri də buranın qonaqları olub.

Otel öz populyarlığını qoruyub yüksəltməkdə davam edərkən, otelin sahibi Çarlz Pfister 1927-ci ildə vəfat edir və hər şey məhz bundan sonra başlayır.


Çarlz Pfister ölsə də, işçilər bu adamın otelə gələrək rezervasiya etdiyini gördüklərini iddia edirlər.

Bundan başqa, otelə gələn müştərilər otaqlarda qəribə səslər eşitdiklərini iddia ediblər.


Vəziyyət o həddə çatmışdı ki, hətta fövqəltəbii hadisələrlə qarşılaşdıqlarını iddia edənlər də çoxalırdı.

ABŞ-ın və hətta dünyanın “ən məşhur cinli otel” adını daşıyan Pfister otelində baş verən ən məşhur paranormal hadisə isə oteldə qalan beysbol komandasının başına gəlib.

Böyük liqa beysbolçuları oteldə qalarkən ciddi paranormal hadisələrlə qarşılaşdıqlarını iddia edirlər.

LS Dodgers komandasının oyunçusu Adrian Beltre, otağında ikən qapısının döyüldüyünü, qapını açmağa gedərkən heç kimi görmədiyini deyir.


Beysbolçu iddia edir ki, otağına qayıdanda kondisioner və televizor öz-özünə yanıb-sönürdü.

Beltre yatmaq üçün yatağa gedəndə başlığın arxasından gələn yüksək səslə oyanıb.


Gənc beysbolçu oteldə qaldığı 3 gün ərzində cəmi 2 saat yata bilib.

Beltre ilə yanaşı, “Minnesota Twins”in oyunçusu Karlos Qomez ən vacib matçlarından birindən bir gün əvvəl oteldə paranormal hadisə yaşayır.


Qomez otaqda səs-küy eşidir və iPod öz-özünə işə düşdüyünü, daha sonra isə iPod-un titrəməyə başladığını görür. Cihaz o qədər titrəyirdi ki, az qala çarpayıdan yerə düşəcəkdi.

Çoxsaylı elektrik nasazlıqları və iddia edilən fövqəltəbii hadisələr tez-tez otel qeydlərində də görünür.

Oteldə qalan bir neçə qonaq otelin qurucusu Çarlz Pfisterin dəhlizlərdə gəzdiyini gördüklərindən bu hadisələrə də məhz Pfisterin ruhunun səbəb olduğu düşünülür.
Paranormal hadisələr baş verdikdən sonra Pfister oteli daha populyar bir mərkəzə çevrilib.


Hər il saysız-hesabsız qonaqlar fövqəltəbii hadisələrin şahidi olmaq üçün bu oteldə qalmağa gəlirlər.

Aysel

Sfera.az