Avstraliyanın məşhur “Nine” kanalı deputatın fotosunda dəyişiklik edərək yayımlayıb.

Sfera.az xəbər verir ki, fotoda Viktoriya ştatının deputatı Corci Pursalın geyindiyi qolsuz ağ maykanın orijinal halı dəyişdirilib. Belə ki, xüsusi proqramlar vasitəsilə maykanın göbək hissəsi açılıb və 31 yaşlı millət vəkilinin sinəsi böyüdülüb. Bununla bağlı millət vəkili  də sosial media hesabında orijinal şəkillər paylaşaraq geyiminin necə dəyişdiyini göstərib. “Öz evində oturub televizorda bədəninin dəyişdiyini görmək qəribədir. Son 24 saat ərzində mənim başıma gələnləri heç vaxt bir kişi siyasətçi yaşamazdı. Əsas fərq odur ki, mən bütün göbək hissəmə tatu vurdurmuşam”.​

Kanal isə bildirib ki, hadisə səhvən baş verib. Fotonun manipulyasiyası süni intellektlə əlaqələndirilib və heç bir işçinin onu dəyişdirmədiyi vurğulanıb.  Lakin bu açıqlama deputatı qane etməyib. O, bu barədə “X” sosial şəbəkəsində də paylaşım edərək narazılığını ifadə edib.

“Photoshop”un sahibi olan “Adobe” isə bildirib ki, təsvirə edilən bu dəyişikliklər insan müdaxiləsi tələb edir.

Firuzə Əliyeva