Zelenski Valeri Zalujnı vəzifəsindən azad edəcək - GİZLİ MƏNBƏ
Ukrayna Prezidenti Volodimir Zelenskinin ofisi artıq ölkə Silahlı Qüvvələrinin (AFU) baş komandanı Valeri Zalujnını vəzifəsindən azad etmək qərarına gəlib .
Sfera.az “Financial Times”a istinadən bildirir ki, qəzetin mənbələri Zelenskinin planlarının qaçılmazlığından danışıb.
Britaniya nəşrinin məlumatına görə, Ukrayna prezidenti yanvarın 29-da Ukrayna ordusunun başçısı ilə görüşüb və onu öz müşaviri vəzifəsinə dəvət edib.
“Zelenski Zalujnıya açıq şəkildə bildirib ki, bu vəzifəni icra edib-etməməsindən asılı olmayaraq, o, indiki vəzifəsindən uzaqlaşdırılacaq”, - deyə mənbələr jurnalistlərə bildiriblər.
Nəşr əlavə edib ki, prezident aparatı Ukrayna Silahlı Qüvvələrinin baş komandanının vəzifəsindən uzaqlaşdırılması qərarında qətiyyətli olsa da, bu planlar barədə xəbərlər mediada yer alandan sonra çox güman ki, bir müddət vəzifəsindən uzaqlaşdırılmayacaq.
Bundan əvvəl Ali Radanın deputatı Borislav Bereza bildirib ki, guya Zelenski Ukrayna Silahlı Qüvvələrinin rəhbəri Zalujnı işdən çıxarıb. Yanvarın 29-da Ukrayna Müdafiə Nazirliyi baş komandanın istefasını rədd edib.
Əzizə Zeynal
