"İmkan vermərəm ki, Putinin zənginə süpürgəçi cavab versin" - Pekka Haavisto
Finlandiyada keçirilən prezident seçkilərinin ikinci turunun əsas rəqibləri olan keçmiş baş nazir Aleksandr Stubb və keçmiş xarici işlər naziri Pekka Haavisto Rusiya prezidenti Vladimir Putinin telefon zənginə cavab verib-verməyəcəklərini və seçiləcəkləri təqdirdə Kreml rəhbərinin təbrikini qəbul edib-etməyəcəyini müzakirə ediblər.
Sfera.az xəbər verir ki, debat Finlandiyanın "Yle: telekanalının "A-Studio" proqramında baş tutub.
Hər ikisi anti-Rusiya mövqeyində olan siyasi opponentlər məsələ ilə bağlı müxtəlif fikirlər səsləndiriblər.
Xüsusilə Stub vurğulayıb ki, əgər Putin zəng edib təbrik etsə, telefon çox uzun müddət çalacaq.
“Mən cavab verməzdim, Putin bundan bir növ təbliğat kimi istifadə edərdi. İndi bizim Rusiya ilə heç bir münasibətimiz yoxdur”, - deyə keçmiş baş nazir bildirib.
Rəqibindən fərqli olaraq Haavisto telefonu götürəcəyini söyləyib.
"Dövlət başçısı zəng edəndə biz cavab veririk. Mən prezident kürsüsündə işləyən süpürgəçi xanımın telefon zənginə cavab verməsinə imkan verməzdim, təbrikləri cavablandırıb qəbul edərdim", - siyasətçi deyib.
Eyni zamanda, Haavisto koordinasiya olmadan hər hansı siyasi müzakirənin mümkünlüyünü də istisna edib.
Əzizə Zeynal
