“Türkiyə F-35 qırıcılarının istehsalı proqramına qaytarıla bilər”.

Sfera.az bildirir ki, bunu “CNN Türk”ə müsahibəsində ABŞ dövlət katibinin siyasi məsələlər üzrə müavini Viktoriya Nuland deyib. O, sözügedən məsələ ilə bağlı Vaşinqtonun şərtlərini də açıqlayıb.

“Ankaranın aldığı Rusiya S-400 zenit-raket kompleksləri ilə bağlı məsələ həll olunarsa, ABŞ buna hazırdır. Biz Türkiyəni yenidən F-35 ailəsinə qəbul etməkdən məmnun olarıq. İstəyimiz də bu yöndədir, lakin əvvəlcə problem həll olunmalıdır. Buna görə də, bu gün bir neçə müzakirə apardıq”, - Nuland bildirib.

O, həmçinin, Türkiyənin güclü hava hücumundan müdafiə sistemi ilə təmin edilməli olduğunu vurğulayıb.

Xatırladaq ki, Türkiyə 2019-cu ildə Rusiyadan S-400 zenit-raket kompleksləri aldıqdan sonra F-35 proqramından çıxarılıb.

Günay