ABŞ-nin keçmiş prezidenti Donald Trampın avtomobili rekord qiymətə satılıb.

Sfera.az bildirir ki,  xüsusi rənglənmiş “Lamborghini Diablo VT Roadster” avtomobili şənbə günü “Barrett-Jackson's Scottsdale” auksionunda hərraca çıxarılıb. Sözügedən avtomobil 1,1 milyon dollara satılıb. Beləliklə, avtomobil planetin ən qiymətli “Diablo”larından biri olub.

Tramp bu “Diablo VT Roadster”i 1997-ci ildə sifariş edib və onun “Blu Le Mans” rənginə boyanmasını istəyib. Bu rəng 1997-ci ildə mövcud deyildi, lakin bu, sabiq Ağ Ev rəhbəri üçün xüsusi olaraq hazırlanıb. Bu o deməkdir ki, avtomobil bu rəngə boyanmış yeganə 1997-ci il “Diablo VT Roadster”dir.

492 at gücündə olan orta mühərrikli superkar 202 km/saat sürətə malikdir.

Firuzə Əliyeva