“Sosial şəbəkələrin günahı yoxdur, bəziləri..” – “Tiktok”la bağlı AÇIQLAMA

Son zamanlar sosial şəbəkələrdə, xüsusən də, “TikTok” platformasında gənclərin heç də xoş olmayan, qeyri-etik davranışlarını görürük. Belə sosial şəbəkələr bütün dünyada istifadə olunur və müxtəlif məzmunlarda videolar çəkilir, lakin ölkəmizdə bu istiqamətdə müşahidə olunan tendensiya heç də ürəkaçan deyil.

Azərbaycan sosial platformalardan istifadədə niyə daha çox mənfi hallar var?

Mövzu ilə bağlı Sfera.az-a açıqlamasında Təhsil Nazirliyi yanında İctimai Şuranın sədri  Günel Səfərova deyib ki, bu məsələdə sosial şəbəkələrin günahı yoxdur:

“İndi sosial şəbəkələrdə, “TikTok”da nə baş verdiyini görürük. Sosial şəbəkə çox yaxşı bir alətdir - onu həm pozitiv, həm də neqativ baxımdan istifadə etmək olur. “Oğru aləmi”nin öz dünyası var və bəziləri onları özlərinə rol-model götürürlər”.

G.Səfərova qeyd edib ki, pozitiv nümunələr neqativə məğlub olur:

“Sosial verilişlərdən tutmuş, bir çox verilişlərə qədər, bəziləri istisna olmaqla,  yaxşı təbliğat və nümunə deyil. O nümunəyə baxıb müsbət keyfiyyəti də götürə bilərlər, mənfini də”.

Firuzə Əliyeva