İmran Xan 10 il müddətinə azadlıqdan məhrum edildi

Pakistanın keçmiş Baş naziri İmran Xan dövlət sirrini yaymaqda ittiham edilərək 10 il müddətinə azadlıqdan məhrum edilib. 

Sfera.az xəbər verir ki, bu barədə “Reuters” siyasətçinin partiyasına istinadən məlumat yayıb. Nəşr Xanın vəkilindən sitat gətirib: "Biz bu qanunsuz hökmü qəbul etmirik".

Keçmiş baş nazirlə yanaşı, ölkənin keçmiş xarici işlər naziri Şah Mehmud Qureşi də 10 il həbs cəzası alıb. O da dövlət sirrini yaymaqda  ittiham olunub.

Xatırladaq ki, ötən il dekabrın 2-də Xana qarşı dövlət sirri haqqında qanunu pozmaq ittihamı ilə yeni iş açılıb. Əvvəllər o, xarici məmurlardan dövlət məmurlarına verilən hədiyyələrin saxlanıldığı dövlət xəzinəsindən qiymətli əşyaların qanunsuz satışı işi üzrə təqsirli bilinib. Bu ittihamla siyasətçi 3 il müddətinə azadlıqdan məhrum edilib.

Əzizə