HƏMAS girov razılaşmasını RƏDD ETDİ: “Müvəqqəti barışıqdan söhbət gedə bilməz”
“HƏMAS yəqin ki, İsrail girovlarının dörd aylıq atəşkəslə mübadilə edilməsinə dair yeni təklifi rədd edib”.
Sfera.az xəbər verir ki, bu barədə “The Times of Israel ” (TOI) məlumat yayıb. Nəşrin qeyd etdiyi kimi, Qətərə görə, danışıqlar prosesində irəliləyiş əldə olunmasına baxmayaraq, HƏMAS yalnız İsrail Müdafiə Qüvvələrinin (IDF) Qəzza zolağından tamamilə çıxarılması və müharibənin dayandırılması ilə razılaşır.
Hərəkatın Siyasi Bürosunun rəhbəri İsmayıl Haniyənin sözçüsü Taher əl-Nunu deyib: “İlk növbədə tam və hərtərəfli atəşkəsdən söhbət gedir, nəinki, müvəqqəti barışıqdan”. Onun sözlərinə görə, döyüşlər dayanan kimi qalan detallar, o cümlədən girovların azad edilməsi müzakirə oluna bilər.
Bundan əvvəl "Associated Press" xəbər vermişdi ki, İsrail və HƏMAS arasında danışıqlarda ABŞ vasitəçiləri yüzdən çox girovun azad edilməsi müqabilində Qəzzada iki aylıq atəşkəs haqqında sazişin hazırlanmasında irəliləyiş əldə edirlər . Aydınlaşdırılmışdı ki, sövdələşmənin həyata keçirilməsi iki mərhələdə baş verməlidir.
Əzizə Zeynal
