Yeni dünya rekordu - İki yaşlı uşaq Everesti fəth etdi - FOTO
Karter Dallas atası Rossun kürəyində 5300 metrdən çox yüksəklikdəki zirvəyə çıxıb.
Sfera.az bildirir ki, Qlazqolu iki yaşlı Karter Dallas və valideynləri Asiyaya bir illik səfəri zamanı Everesti fəth ediblər. Uşaq belə yüksəkliyi fəth edən ən gənc alpinist olub.
Karter Dallas keçən il oktyabrın 25-də atası Ross və 31 yaşlı anası Jade ilə 5300 metrlik zirvəyə qalxdı. Qeyd edək ki, bundan əvvəlki rekordun çexiyalı dörd yaşlı Zara adlı qıza məxsus olduğu bildirilirdi.
Valideynlər idman ayaqqabısı ilə dağa çıxarkən, Karter Rossu kürəklərinə bağlayıblar.
"Karter məndən və anasından daha yaxşı nəticə verdi. Hər ikimiz də hündürlük diskomfortu yaşadıq, amma yaxşıyıq. Kəndlərdə iki həkim var idi və onlar Karterin qanını yoxladılar. Onun nəticələri bizimkindən qat-qat yaxşı idi." — deyə atası ə jurnalistlərə bildirib.
Katmanduya endikdən sonra 24 saat ərzində ailə zirvəyə dırmaşmağa başlayıb. Ross deyir ki, onlar hamısı səyahətə yaxşı hazırlaşıblar. Ailə, Karter də daxil olmaqla, müntəzəm nəfəs alma texnikası ilə məşq edib və buz vannalarına girib.
Ross və Jade Şotlandiyadakı evlərini kirayəyə verərək, 2023-cü ilin avqustunda bir illik səyahət üçün üç bilet alıblar.
Əvvəlcə Hindistana, sonra Şri-Lanka və Maldiv adalarına uçan cütlük, daha sonra toy üçün Nepala və Malayziyaya gediblər. Bundan sonra onlar Sinqapura gedərək, burada Kartersin ad gününü Hollivudun ən qədim kinostudiyalarından biri olan “Universal”da qeyd ediblər.
Ailə Yeni ili Tailandın Koh Lanta adasında keçirib. Onlar hazırda Khao Sokdakı Tay qoruğunun cəngəlliyindədir, növbəti dayanacaqları Banqkok və Kambocadır.
"Karter bütün müxtəlif mədəniyyətləri mənimsəyib, hamısını sevir. Kiçik kəndlərdə uşaqlarla oynayır, dünyagörüşünü formalaşdırır. Onun ən çox sevdiyi şey İslam dinində azana qulaq asmaq oldu"- uşağın atası deyib.
Karter ekzotik yeməklərin dadını da kəşf edib. O, Maldiv adalarında balıq köri, Malayziyada toyuq budu və hətta timsah ayaqları yeməkdən həzz alır. Lakin onun sevimli yeməyi pad thai, tərəvəz və aromatik sous ilə qızardılmış düyü vermişelli klassik Tay yeməyidir.
"Ümid edirik ki, biz digər insanları da real dünyanı görməyə ruhlandıra bilərik"- deyə Ross yekunlaşdırıb.
Aynil
Sfera.az
