Müharibə veteranları universitetə imtahansız qəbul olacaq? – AÇIQLAMA

Sosial şəbəkələrdə müharibə veteranlarının universitetlərə imtahansız qəbul olunması ilə bağlı mövzu gündəmə gəlib. Müzakirələrə səbəb ötən ilin sentyabrın 1-dən bakalavriat və magistratura (əsas (baza ali) tibb təhsili və rezidentura) təhsil səviyyələrində və orta ixtisas təhsili müəssisələrində ödənişli əsaslarla təhsil alan müharibə veteranlarının təhsil haqının dövlət büdcəsi vəsaiti hesabına ödənilməsidir.

Müharibə veteranları imtahan vermədən universitetlərə qəbul ola bilərmi?

Dövlət İmtahan Mərkəzindən Sfera.az-a verilən məlumata görə, müsabiqə qaydalarında istisnalar yoxdur.

“Ali və orta ixtisas təhsil müəssisələrinə tələbə qəbulu qaydaları”nın təsdiq edilməsi haqqında Azərbaycan Respublikasının Nazirlər Kabinetinin Qərarlarına əsasən, hər bir abituriyent ali və ya orta ixtisas təhsili müəssisəsinə qəbul olmaq üçün Dövlət İmtahan Mərkəzi tərəfindən keçirilən qəbul imtahanlarında ümumi qaydada iştirak edərək müsabiqədə müvəffəqiyyət qazanmalıdır. Müsabiqə abituriyentin topladığı bal əsasında aparılır və bu zaman hər hansı digər amil nəzərə alınmır”, deyə qurumun məlumatında bildirilib.

Firuzə Əliyeva