İnsanların həyat keyfiyyətini aşağı salan DÜŞÜNCƏLƏR: "Sevilməyən, dəstək görməyən..." - AÇIQLAMA

Hazırda bir qisim insan neqativ düşüncələrinin əsirinə çevrilib. Bu insanlar ancaq neqativ ssenarilər yazır, mənfi yönümlü düşüncələr ilə həyatlarını məhv edirlər.

Bəs neqativ düşüncələrlə necə mübarizə apara bilərik?

Mövzu ilə bağlı Sfera.az-a danışan psixoloq Ülviyyə Kərim bildirib ki, insan beyninin işləmə mexanizmi müxtəlifdir.

"Neqativ düşüncələr, əsasən, uşaqlıq travmaları olan insanlarda daha çox meydana gəlir. Ailəsi tərəfindən sevilməyən, dəstək görməyən şəxslər, yaxşı, müsbətyönümlü heçnə düşünə bilmirlər. Neqativ düşüncələr, insanların beynində qurduqları neqativ fantaziyalardır. Bu tip insanlar həyatlarında baş verən hər cür tərsliyi özlərinin uğursuzluqları ilə əlaqələndiririlər. Düşünürlər ki, onlar uğursuz və bacarıqsız olduqları üçün mənfi hadisələr onların başına gəlir. Lakin hər kəsin həyatında çətinlik yaşadığı bir dövr olur. Buna görə daima həmin çətinliyi düşünərək yaşamaq düzgün seçim deyil. Həmin çətinlikdən çıxmağın alternativ üsullarınıı axtarmaq lazımdır”.

Psixoloq qeyd edib ki, bu cür düşüncələr insanların həyat keyfiyyətini aşağı salır.

“Bu insanlar başa düşməlidir ki, onların belə olmasına səbəb vərdişləridir. Onlar özlərini xoşbəxt edən vərdişlər etməlidirlər. Bu vərdişlərdən sonra, həmin insanlar özlərini cəmiyyətə daha yararlı və xoşbəxt hiss edəcəklər”.

Ülkər Abdurahmanlı