İfası ilə hər kəsi valeh edən Famil doğma yurdunda təhsil alacaq - VİDEO

Qarmondakı "Anadır arzulara hər zaman Qarabağ" ifası ilə sosial şəbəkələrdə gündəm olan Famil Məmmədlinin hansı məktəbdə təhsil alacağı bəlli olub.

Sfera.az-a Elm və Təhsil Nazirliyindən verilən məlumata görə, Füzulinin balaca sakini Famil Məmmədli Mirzə Uluqbəy adına 1 nömrəli tam orta məktəbin 7-ci sinfində təhsilini davam etdirəcək. Qeyd edək ki, bu gün Qaradağ rayonu Lökbatan qəsəbəsində məcburi köçkünlər üçün salınmış “Qobupark-3” yaşayış kompleksindən 30 ailədən ibarət növbəti köç karvanı Füzuli şəhərinə çatıb.

Famil də yola düşməmişdən öncə qarmonda “Qarabağ” (daha çox “Anadır arzulara hər zaman Qarabağ” adı ilə tanınır - red.) mahnısını ifa edib.

Firuzə Əliyeva