Moskvada 11-ci mərtəbədən yıxılan yeniyetmə sağ qalıb.

Sfera.az Lent.az-a istinadən bildirir ki, hadisə çərşənbə axşamı saat 16 radələrində baş verib. Kollec tələbəsi ağır vəziyyətdə xəstəxanaya yerləşdirilib. 

Məlum olub ki, bir gün əvvəl 17 yaşlı oğlan oğurluqla bağlı polis şöbəsinə yalan məlumat yazıb. Bir qədər sonra o, mobil proqramda futbol oyunlarının nəticələrinə mərc edərək 38 min rubl (təxminən 729 manat) itirdiyini etiraf edib.