İranın ali dini lideri Ayətullah Əli Xamenei İslam ölkələrini İsraillə əlaqələri kəsməyə çağırıb.

Sfera.az xarici mediaya istinadən xəbər verir ki, Xamenei bu bəyanatı İsrailin Qəzza zolağında keçirdiyi əməliyyatın qurbanlarına həsr olunmuş tədbir zamanı verib. O, İslam ölkələrini İsraillə bütün əlaqələri kəsməyə çağırıb.

"Onlar onunla siyasi və iqtisadi əlaqələrini kəsməlidirlər, ona kömək etməməlidirlər",-deyə İranın ruhani lideri bildirib. Xamenei onu da deyib ki, bəzən İslam ölkələri nümayəndələrinin mövqeləri və bəyanatları yanlış olur. Onun fikrincə, atəşkəs məsələsi “sionistlərin əlindədir”.

Bundan əvvəl Fələstinin HƏMAS radikal hərəkatı İsrailin iki aylıq barışıq təklifini rədd etmişdi . HƏMAS rəhbərliyi anklavı tərk etməkdən imtina edərək və İsrail hərbçilərinin ərazidən tamamilə çıxarılmasını tələb edərək təklifi rədd edib.

Əzizə Zeynal