Avstriyalı 31 yaşlı Marlene Engelhorna 2022-ci ilin sentyabrında nənəsi vəfat etdikdən sonra 25 milyon avro miras qalıb. Gənc qadın bu mirası “ədalətsiz qazanc” adlandırıb.

Sfera.az bildirir ki, Marlen Engelhorn mirası başqalarına verəcəyini deyib.

Qadın bu mirasa haqqı çatmadığını düşünür. O, qeyri-adi bir şəkildə pullardan qurtulmq qərarına gəlib.
 

Qeyd edək ki, Marlenin nənəsi Almaniyanın BASF kimya şirkətini təsis edib və məhz bu şirkət vasitəsilə böyük sərvət qazanıb.
 

Nəvə bu mirası almaq üçün heç bir şey etmədiyini deyir. O, varlı ailədə doğulmasını, lotereya qalibi olmağa bənzədir.


Sərvəti idarə etmək üçün gənc qadın Yenidən Bölüşdürmə üzrə Şura təşəbbüsünə müraciət edib. Təsadüfi seçilmiş insanlar onun pulunu necə xərcləyəcəklərinə qərar verəcəklər.
 

Engelhorn həmyerlilərinə 10 min dəvət göndərib, onlardan bu posta 50 əsas namizəd, həmçinin 15 ehtiyat namizəd seçiləcək.
 

Varis şuranın qərarına veto qoymayacaq. O, yad adamlara güvənir və onlara öz sərvətini verməyə hazırdır. Engelhorn bu nəcib əməlini demokratiyaya xidmət adlandırır.


Bundan əlavə, qadın dövlətin onun mirasına vergi belə tutmaq istəməməsindən şikayətlənib.
 

Varlı nənənin nəvəsi:
 

“Siyasətçilər sərvətin yenidən bölüşdürülməsi işini görmürlərsə, mən bunu özüm etməliyəm”-deyə fikrini izah edib. O həmçinin əlavə edib ki, bir çox avstriyalı tam iş günü işləməklə və qazandıqları hər avrodan vergi ödəməklə dolana bilmirlər. Bəziləri isə heç bir şey etmədən milyonlara sahib olur.
 

Onun fikrincə, bu, siyasətin uğursuzluğudur. Buna görə də vətəndaşlar idarəçiliyi özləri ələ almalıdırlar.

Aysel

Sfera.az