Tramp yenidən ABŞ prezidenti seçiləcəyi təqdirdə ehtimal olunan Üçüncü Dünya müharibəsinin qarşısını alacağına söz verib.

Sfera.az xəbər verir ki, Tramp bunu yanvarın 23-də ölkədə ilk Respublikaçıların praymerizini keçirən Nyu-Hempşir ştatında tərəfdarlarına müraciət edərkən deyib.

ABŞ-nin keçmiş prezidenti Rusiya və Ukrayna arasında dəhşətli münaqişənin həllinə nail olacağını da bəyan edib və əlavə edib ki, 2022-ci ilin əvvəlində ABŞ prezidenti olsa idi, silahlı münaqişə heç vaxt başlamazdı.

Tramp həmçinin ABŞ-nin hazırkı prezidenti Co Baydeni Amerika tarixinin ən pis prezidenti kimi qələmə verib.

Qeyd edək ki, ABŞ-də 60-cı prezident seçkisi bu ilin 5 noyabrında keçiriləcək.

Firuzə Əliyeva