Arda Gülər "Real"dan narazıdır: Klubu TƏRK EDİR?

"Real Madrid"in 18 yaşlı yarımmüdafiəçisi Arda Gülər hazırda klubdakı vəziyyətindən razı deyil.

Sfera.az bildirir ki, bu barədə “Sport.es” məlumat yayıb.

Belə ki, Gülər Ançelottinin “Real Madrid”in son 3 matçında onu bir dəqiqə belə meydana buraxmamasından narazıdır. Oyun praktikasının olmaması səbəbindən türk futbolçu bu qış icarəyə getmək variantını nəzərdən keçirir. 

Xatırladaq ki, Arda Gülər bu mövsüm iki matçda iştirak edib. Futbolçunun klubla hazırkı əmək müqaviləsi 2029-cu ilin yayına kimi nəzərdə tutulub. Onun bazar dəyəri isə 15 milyon avrodur.

Fatimə Lətif