Uşaqlar arasında yayılan virus: "Qripə oxşayır, amma…" - AÇIQLAMA
Son zamanlar ölkədə, xüsusilə uşaqlarda sadəcə öskürək və boğulma ilə gedən virusun yayıldığı bildirilir. Bu, həm də böyüklər arasında müşahidə olunur. Oxşar vəziyyət qonşu ölkələrdə də var.
Söhbət göyöskürək xəstəliyindən gedir...
Sfera.az bildirir ki, rusiyalı infeksionist Aleksandr Dmitriev “Rossiyskaya qazeta”a müsahibəsində sözügedən xəstəliyin qripə bənzədiyini deyib. Onun sözlərinə görə, xəstəliyin ardınca şiddətli öskürək başlayır: “Böyüklərdə göyöskürək ən azı 3 ay müalicə edilməlidir. Bununla belə, hətta müalicə başa çatdıqdan sonra da öskürək zaman-zaman geri dönə bilər”.
Mütəxəssis qeyd edib ki, xəstəliyin başlanğıcında insanda qızdırma olmaya bilər: “Temperaturun artması daha sonra görünərsə, bu, xəstəliyin ağırlaşdığının göstəricisidir. Bir insana göyöskürək diaqnozu qoyulubsa, ona antibakterial dərmanlar çox kömək edir. Lakin dərmanların qəbulu xəstəliyin başlanğıcından dərhal sonra olarsa, faydası mümkündür”.
Günay
