İstənilən cinsi əlaqədə bu 3 xəstəlik yarana bilər - Seksoloqdan HƏYƏCAN TƏBİLİ
İstənilən cinsi əlaqə risklidir və insanın həyatına, sağlamlığına zərər verə bilər.
Sfera.az Daily Mail-ə istinadən xəbər verir ki, bunu seksoloq Treysi Koks deyib. O, cinsi əlaqənin gözlənilməz təhlükələrini təsvir edib.
Koksun xəbərdar etdiyi ilk təhlükə insan papillomavirusu ilə yoluxma olub. O qeyd edib ki, cinsi yolla ötürülən bu ümumi xəstəlik, oral seks zamanı yoluxduğu təqdirdə uşaqlıq boynu və ya qırtlaq xərçənginə səbəb ola bilər. Seksoloq qeyd edib ki, araşdırmalar xərçəng xəstəliyinə tutulma riskinin cinsi partnyorların sayı ilə mütənasib olduğunu göstərir.
Bir insanın həyatına əhəmiyyətli dərəcədə təsir edən başqa bir cinsi yolla ötürülən virus, herpesdir.
Onun sözlərinə görə, bu infeksiya sağalmazdır və insan ömrünün sonuna qədər potensial yoluxucu olaraq qalır.
“Təsəvvür edin ki, nəhayət əsl sevgi ilə qarşılaşdınız, etiraf etdiniz və dərhal tərk olundunuz. Yaxud da sizə xəstəlik barədə heç nə deməyiblər və qorxu ilə yaşayırsınız ki, bir gün sizin sevdiyiniz insan da xəstələnəcək”, - seksoloq izah edib.
Koks aktiv cinsi həyatın üçüncü təhlükəsi kimi xlamidiyanın adını çəkib.
O, cinsi yolla keçən xəstəliyin antibiotiklərlə asanlıqla müalicə olunduğunu, lakin çox vaxt diqqətdən kənarda qaldığından, bir çoxunun illərlə bu xəstəliklə yaşadığını söyləyib. Tədricən, xlamidiya çanaq orqanlarının iltihabına səbəb olur, mütəxəssis sonsuzluğa və ya ektopik hamiləliyə səbəb olduğunu da bildirib.
Koks həmçinin qeyd edib ki, təhlükələri başa düşmək cinsi həyatınızı xəstəlik və məyusluq deyil, sevinc və həzz gətirəcək şəkildə planlaşdırmağınıza kömək edə bilər.
İnci
