“AMC Fight Nights”-ın prezidenti Kamil Hacıyev keçmiş UFC çempionu Daniel Kormyenin Həbib Nurməhəmmədovla bağlı son açıqlamasına münasibət bildirib.

Sfera.az bildirir ki, Kormier Nurməhəmmədova “UFC”yə qayıtmaq üçün 40 milyon dollar təklif edildiyini söyləyib.

Kamil Hacıyev isə Həbibin heç bir pul müqabilində qayıtmayacağını bildirib:

“O, yəqin ki, bir milyard dollara qayıdardı, bu da həmin pulu qlobal xeyriyyəyə xərcləmək məqsədilə olardı. Bu halda, yəqin ki, Həbibin qayıdışını başa düşmək olar. Amma yox, Həbib qayıtmayacaq”.

Qeyd edək ki, MMA karyerası ərzində Həbib 29 döyüşdə iştirak edib və onların hər birində qalib gəlib.

Fatimə Lətif