ABŞ prezidentliyinə namizəd olmuş Ron DeSantis Böyük Britaniyanın sabiq naziri, məşhur yazıçı Çörçillə aid olduğunu iddia etdiyi sitat gətirib. 

Sfera.az xarici KİV-ə istinadən xəbər verir ki, Florida qubernatoru Ron DeSantis bunu ABŞ prezident seçkiləri kampaniyasının başa çatdığını elan etdiyi çıxışında edib.

DeSantis "Uğur son deyil, uğursuzluq ölümcül deyil. Əsas olan davam etmək üçün cəsarətdir" - deyərək mübarizəni davam etdirməyin vacibliyini nəzərə çatdırmaq istəyib.

Video yayımlandıqdan sonra sosial şəbəkə istifadəçiləri bu sitatın Britaniyanın keçmiş Baş nazirinə aid olduğuna dair heç bir dəlil olmadığını qeyd ediblər. Siyasətçinin irsini araşdıran Beynəlxalq Çörçill Cəmiyyəti (ICS) də sitatın sabiq Baş nazirə aid olmadığını təsdiqləyib:

“Biz bunu Çörçill tərəfindən deyilmədiyini onun bütün kitabları, çıxışları və məqalələri daxil olmaqla, əlli milyon sözünün hərtərəfli tədqiqinə əsaslanaraq iddia edirik”.

Qeyd edək ki, DeSantis yanvarın 21-i axşam prezidentlik kampaniyasından çıxdığını elan edib. Siyasətçi qeyd edib ki, onunla fikir ayrılıqlarını etiraf etsə də, partiya üzvü Donald Trampı dəstəkləyəcək .

Əzizə Zeynal