Avropa böhranla üzləşə bilər - Müqavilənin müddəti bitir
Ötən il Avropada qaz qiymətləri 2022-ci ilə nisbətən 60% ucuzlaşıb.
Sfera.az “Bloomberg”ə istinadən xəbər verir ki, ötən ilin oktyabrında Fələstin-İsrail münaqişəsinin kəskinləşməsinə və bununla əlaqədar Qırmızı dəniz vasitəsilə beynəlxalq tədarükün kəsilməsinə baxmayaraq, Avropada mayeləşdirilmiş təbii qazın (LNG) qiymətləri enməkdə davam edir.
Hadisə rekord həcmdə qaz ehtiyatlarının olması, bərpa olunan enerjiyə böyük sərmayə qoyulması və yüksək sənayeləşmiş ölkələrdə yavaş iqtisadi artımın enerji tələbatını məhdudlaşdırması ilə əlaqələndirilib.
Lakin yenə də Avropa ölkələrinin, eləcə də Yaponiya, ABŞ və Çinin növbəti böhranla üzləşmə riski var.
Rusiyadan Ukrayna ərazisindən Qərbi və Mərkəzi Avropa ölkələrinə qaz tədarük edən tranzit xəttinə dair müqavilənin müddəti bu ilin sonunda başa çatır. 2024-cü il üçün müqavilənin uzadılması haqqında qərar olmasa, tranzit xəttinin bağlanması qaz tədarükünü azaldacaq.
Firuzə Əliyeva
