Londonda itini gəzdirən kişi və qadın mağazanın yanında yolun kənarında tərk edilmiş körpənin olduğu çanta tapıblar.

Sfera.az-ın xarici mediaya istinadla məlumatına görə, Londonun şərqində cütlük itlərini gəzdirərkən dəsmalın içində yeni doğulmuş qız uşağı olan çanta tapıblar. 

İngilislər dərhal təcili yardım və polis çağırıblar. Onlar körpənin hipotermiyadan əziyyət çəkə biləcəyindən qorxublar, çünki temperatur sıfırdan aşağı olub.

Təcili yardım xidmətləri gələnə qədər yoldan keçənlər yeni doğulmuş uşağı isidiblər. Həkimlər uşağı xəstəxanaya yerləşdiriblər, qızın üzərində heç bir xəsarət və ya görünən xəsarət aşkar edilməyib. Polis körpənin anasını axtarır. (Lent.az)