Arnold Şvartsenegger bahalı saatına görə Münhen hava limanında saxlanılıb.
 

Sfera.az xəbər verir ki, 76 yaşlı Hollivud aktyoru və Kaliforniyanın keçmiş qubernatoru Arnold Şvartsenegger Münhen hava limanında saxlanılıb. Bu barədə "Bild" nəşri məlumat yayıb .
 

Sənətçi gömrük yoxlamasından keçdikdən sonra hava limanının polis bölməsinə aparılıb. Onun həbsinə səbəb bahalı "Audemars Piguet" saatı olub. Aktyorun dediyinə görə, o, onları hərracda satmağa hazırlaşırmış.

Qeyd edilir ki, Şvartsenegger Dünya İqlim Sammiti üçün Avstriyanın Kitzbühel şəhərinə getməyi planlaşdırıb.
 

Bundan əvvəl müğənni Julio İqlesias Dominikan Respublikasında hava limanında yemək çamadanı ilə birlikdə saxlanılmışdı.
 

80 yaşlı sənətçi Baham adalarından uçub. Gömrükçülər onun üzərindən ət, giləmeyvə, tərəvəz və meyvələr də daxil olmaqla 40 kiloqramdan artıq ərzaq məhsulları aşkar ediblər.

İnci