42 yaşlı amerikalı müğənni və aktyor Castin Timberleyk həyat yoldaşı 41 yaşlı Cessika Bieldən boşanmaq ərəfəsindədir.
 

Sfera.az bildirir ki, məşhur cütlük Britni Spirsin mübahisəli "İçimdəki qadın" adlı memuarlarının işıq üzü görməsi səbəbindən çətin dövr yaşayır.

2012-ci ildən evli olan məşhur cütlüyün iki oğlu var. Ancaq Britninin keçmiş sevgilisi ilə əlaqəli yazdıqları onların münasibətlərinə ciddi təsir edib.


"Onlar bir-birlərini sevirlər, ailə terapevti ilə görüşlər keçiriblər, lakin əsas problemlərini həll etməyiblər"-deyə cütlüyə yaxın mənbə bildirib.

Xüsusilə, jurnalistlər qeyd edir ki, Bill və Timberleyk hətta keçmişin yükündən qurtulmaq və yenidən başlamaq üçün başqa evə köçüblər. Bununla belə, onlar üçün bunu etmək hələ də çətindir.

Qeyd edək ki, 2000-ci illərin əvvəllərində Castin müğənni Britni Spirslə görüşüb. 2023-cü ilin oktyabr ayının sonunda işıq üzü görən “İçimdəki qadın” adlı xatirələrində sənətçi münasibətləri haqqında bəzi açıqlamalar yazıb. Məlum olub ki, Castin Britni hamilə qaldıqda onu abort etdirməyə məcbur edib.

Bundan başqa Britni, konkret ad çəkmədən keçmiş sevgilisinin xəyanətlərindən də danışıb.

Aynil

Sfera.az