“Zelenski Rusiya ilə münaqişəni heç vaxt dondurmayacaq” - Andrey Yermak

“Zelenski heç vaxt Rusiya ilə münaqişəni dondurmağa razı olmayacaq”.

Sfera.az bildirir ki, bunu Ukrayna prezidentinin ofisinin rəhbəri Andrey Yermak Davosda keçirilən iqtisadi forumda deyib.

O, bu barədə jurnalistlərin suallarını cavablandırıb. “Ola bilsin ki, Moskvanı danışıqlar masasına dəvət etməyin vaxtı çatıb. Xüsusən də Vaşinqtonun dəstəyi açıq şəkildə zəiflədiyinə görə bu addım atıla bilər. Lakin prezident və onun komandası heç vaxt münaqişənin hər hansı bir şəkildə dondurulması ilə razılaşmayacaq. Bu, Ukrayna cəmiyyəti tərəfindən qəbuledilməzdir. Kiyevə dondurulmuş münaqişələr lazım deyil”, - Yermak bildirib.

Andrey Yermak həmçinin, Ukraynanın tərəfdaşlarının Kiyevi ərazi güzəştlərinə getməyə məcbur etmədiyini qeyd edib: “Onlar artıq Ukraynanın mövqeyini bilirlər və buna hörmətlə yanaşırlar”.

Günay