"Millətdən ala bilmədiyi dəstəyin acısını döyüşlər və xaosla gizlətmək istəyənlər olacaq. Sandığa kölgə düşməsinə icazə verməyəcəyik".
 

Sfera.az Türkiyə mediasına istinadən xəbər verir ki, bunu Türkiyə Prezidenti Rəcəb Tayyib Ərdoğan deyib.
 

31 Mart 2024-cü ildə keçiriləcək yerli seçkilər öncəsi qubernatorlara sandıq təhlükəsizliyi ilə bağlı xəbərdarlıq edən Ərdoğan, "31 Martda seçki qutusunun kölgədə qalmasına icazə verməyəcəyik. Seçkiləri tam demokratik şəkildə başa vuracağıq",-deyə bildirib.


Türkiyə lideri 2023-cü ili arzuolunan şəkildə tamamlaya bildiklərini deyib:


"2023 hədəfləri ilə millətimizin qarşısına çıxdıq. Bəziləri bizə lağ edirdilər. Gecə-gündüz çalışaraq məqsədlərimizi reallaşdırdıq. İllər keçdi və 2023-cü ili başa vurduq. Çoxlu hücumlara baxmayaraq, məqsədlərimizə böyük ölçüdə nail olduq. Biz millətimizin qarşısına yeni baxış qoyduq. "Türkiyə Əsri" dediyimiz bu baxış ölkəmizi gücləndirmək vizyonudur. Bu, dövlətin və millətin ümumi arzusudur. "Türk Əsri" gələcək nəsillərə qoyacağımız ən mühüm mirasdır".

Əzizə